Gullkorn

Nokkur gullkorn sem hafa borist frá JM síðustu daga:

JM: Mamma má ég fá opal?
Móðirin: Nei nei nei það er ekki nammidagur í dag.
JM: Já en ég er þriggja ára.

Langafi og langamma Júlíönu eru í bænum og halda til hjá tengdamóður minni. Við vorum í heimsókn og langafi skellti sér í bað og kom fram í buxum en ber að ofan. Júlíana gekk þá að honum og sagði: "Afi, ertu eitthvað klikkaður?"

Júlíana var búin að ákveða að bjóða Arngunni vinkonu sinni af leikskólanum í afmælið sitt. Einhver staðar lærði hún samt nýlega þennan ömurlega frasa "þú mátt ekki koma í afmælið mitt" og notar hann óspart ef við hin á heimilinu högum okkur ekki samkvæmt hennar bókum.

Móðirin: Júlíana, mamma hennar Arngunnar sagði að þær kæmust í afmælið þitt.
Júlíana öfugsnúna: Nei Arngunnur má ekki koma í afmælið mitt.
Móðirin: Jú auðvitað má Arngunnur vinkona þín koma í afmælið þitt.
JM: Nei mamma manstu ekki, það er ekki pláss. Langafi og langamma ætla að koma.

Já svo er nú það...

Hún á afmæli í dag....

Nýfædd.

Frekar óskýr mynd enda tekin á síma :)

Vikugömul

Eins árs


Tveggja ára

Framundan

Hildur er að fara á Laugarvatn í dag í æfingabúðir með Val. Hún er frekar spennt. Í næstu viku er hún búin að panta að elda eitt kvöldið. Það verða glaðar kartöflur í matinn :)
Við hin sem verðum eftir heima ætlum að hafa það huggulegt og mótmæla á Austurvelli á morgun, ætla ekki allir að mæta?
Júlíana er orðin frekar spennt að verða þriggja ára. Hún er búin að bíða eftir afmælinu sínu í marga mánuði og loks rennur dagurinn upp þriðjudaginn 18. nóv. Við gerðum afmæliskeðju og hún er búin að fjarlægja einn hlekk af keðjunni á dag. Það eru ansi fáir eftir. Dúkkuvagninn bíður undir rúmi tilbúinn í innpökkun. Hún er búin að lýsa því yfir að hana langi í dúkkur og dúkkudót. Hún sá tvíburadúkkur í Toys R us fyrir löngu síðan og heillaðist mjög. Þá kostuðu herlegheitin um 8.000. Þegar ég fór svo aftur í sömu búð ekki fyrir löngu höfðu tvíburarnir hækkað um helming og kostuðu 15.999.

Bylgjubáturinn

Ég hlusta nú ekki oft á útvarpsstöðina Bylgjuna en set stundum á hana ef ég er ein í bílnum og vonast til að hitta á eitthvað skemmtilegt lag til syngja hástöfum með. Í gærkvöldi var ég á heimleið í bílnum mínum og freista þess að hitta á eitthvað gott lag á Bylgjunni. Ég lendi á einhverjum ömurlegum útvarpsmanni sem aldrei fyrr. En mér varð allri lokið þegar hann lét út úr sér: "Til hamingju með að vera með okkur hér í kvöld, það er svo æðislegt að vera hér um borð í Bylgjubátnum."
Bylgjubátnum.....hvað er það??

Þessi elska er 10 ára í dag.

Ballettinn átti ekki alveg við hana en hún hefur ákveðið að verða atvinnukona í fótbolta.

Áfram Hildur :)

Klukk

Ég hef nú gert svona áður að mig minnir þegar klukkið tröllreið íslenskum bloggsíðum.
Var klukkuð af Aðalheiði Rósu í þetta sinn.

1. Fjögur störf sem ég hef unnið um ævina:
Saug munnvatn fólks á Tannlæknastofu Steinars föður míns.
Steikti ófáa hamborgara í Ak- Inn (gellunesti) á Akureyri.
Var einu sinni bankastarfsmaður í Íslandsbanka.
Leikskólakennari á Klömbrum.

2. Fjórar íslenskar bíómyndir sem ég held upp á:
Með allt á hreinu.
Englar alheimsins.
Brúðguminn.
Er nýbúin að sjá Reykjavík Rotterdam, hún er ansi góð.

3. Fjórir staðir sem ég hef búið á:
Á hinum ýmsu götum á Akureyri.
Bangor, Maine, USA.
Kaupmannahöfn, mjög stutt reyndar.
Kópavogur, jú jú það var ágætt að búa í Kópavogi.

4. Fjórir staðir sem ég hef heimsótt í fríum:
New York, dásemd
Barcelona
London
Hrísey

5. Fjórir sjónvarpsþættir sem mér líkar:
Dallas
Grey´s Anatomy
Sex and the city


6. Fjórar síður sem ég skoða daglega:
ruv.is
mentor.is
allskonar blogg
Facebook

7. Fernt sem ég held upp á matarkyns:
Humar

8. Fjórar bækur sem ég hef oft lesið:
Las Öddubækurnar í tætlur á mínum yngri árum.
Er að lesa í annað sinn bókina Perlur og Steinar; Árin með Jökli um hjónaband Jökuls Jakobssonar og Jóhönnu Kristjónsdóttur.


9. Fjórir staðir sem ég myndi helst vilja vera á núna:
Í Central Park, helst af öllu.
En fyrst það er ekki í boði, þá bara í snjónum á Akureyri.

10. Fjórir bloggarar sem ég klukka:
Hildó frænka
Rassabollurnar
Steinunn Inga
Shit, þarf að finna mér fleiri linka.